السلام عليكم و رحمه الله و بركاته
انهارده بقى الموضوع ايه موزموزموز او منجا يلا مهو سوقها شغال اليومين دول
المهم يا بشريه انتوا ليه عاملين ضجه لتنسيق الكليه
طيب شوفوا الواد ميمي ملوخيه لما خلص امتحنات ثانويه
بلغنى ايها الملك السعيد..ذو الراى الرشيد..ان "ميمى ملوخيه" انهى امتحانات الثانويه بعد طول غياب وجهد
وبلاء..وظن المسكين..انه يرتاح يومين لكن "ميمى"الموهوم مش عارف يجيب النوم...فقد ظلت ترواده
المشبهات..من تصحيح الدرجات
راح ميمى يقضى الاوقات بين السايبر والكافتريات
حتى اعلنت الاذاعه والمحطات عن بدء صدور الدرجات
فاضربت قلوب الناس وانتقلت لميمى فى الراس وبعد عذاب فتح موقع الوزاره
الا انه فوجئ بالموقع سقط وغاب فقال يادى النحس والتلطيش وياما هاتشوف ياللى تعيش
وانتظر حتى الصباح..ليذهب للمدرسه ويسمع النتيجه ويرتاح
وترقب الميكرفون..بعين تحمل الظنون..حتى اعلن منادو البلاط
عن تاخر وصول الدرجات..فقال يادى البشاير القويه وشك حلو ياملوخيه لكنهم مشكورين اعلنو اسامى الاوائل
والمتفوقين
وفوجىء الحاضرون باسم ميمى فى الميكرفون حقق فى قسمه الانجاز الرائع وحصل على الترتيب الربع فههل
ميمى وصاح هى ديه البقريه ياحلاوتك ياملوخيه
وبدا يسال كل صديق عن الكليه التى تليق ليكتبها بديوان التنسيق
فراح لجده الحبيب فقال يابنى الخير فى ان تكون طبيب..ادخل الطب بشطاره ولما تتخرج تفتحلك جزاره فاظهر
ميمى احتجاجه ياجدى انا عايز اقول حاجه
فدخلت عمته ابتسام وقطعت الحوار والكلام لا طب ولا بهدله ما فيش احسن من صيدله ادخل الصيدله بسلام
تبقى بقال الاحلام
فاظهر ميمى احتجاجه انا عايز اقول حاجه فقالت الصيدله نجمها ساطع وانت ياعنيه طالع الرابع وسار ميمى محتار
فاوقفه عم ساطور الجزار فقال يامى انت عبقى فلتدخل الطب البيطرى وامش فى مصر المحروسه واسحب
وراك الجاموسه فصاح ميمى انا عاوز اقول حاجه
فقاطعه عم فجله فلاح الساعه اهدا ياميمى وادخل كليه الزراعهواستصلح الارض الميمونه واتجدعن وازرع مكرونه
حتى بليه صبى الميكانيكى وقف لميمى فى الطريق وقال ادخل الهندسه ياصديق تتخرج من غير دوشه واحجزلك جنبى فى الورشه
وناداه الشويش عطيه ادخل الشرطه او الحربيه واهم حاه ياملوخيه تكون واستطك قويه والصق براحتك الطوابع
ده انت ياميمى طالع الرابع
واصاب ميمى الوسواس من كتر كلام الناس
فذهب لاستاذ يستشير ليعرف راى الامين الخبير فقال اسمع ايها الطالب القضيه
ليست قضيه الكليه المنتقاه المهم هو دورك فى الحياه
اذا كنت من المتفوقين فخير كليه لك فى الحياه هى ماتبتغى مرضات الله
يابنى انظر لرغبتك بعد الاستشاره واستعن بصلاه استخاره يوفقك الاله و تحقق ماتتمناه
شعر ميمى بارتياح وبدا مشوار النجاح
وعاد لاسرته الكريمه فاستقبلوه بوجوه حزينه مجموعك ياملوخيه لايودى طب ولا حتى دوره الميه فرد ميمى
بسذاجه
ما انا كنت عاوز اقول حاجه انا صحيح طالع رابع القسم بكل مجدعه لكن عددنا فى القسم اربعه
عندها ادرك شهريار الصباح وزمجر كالرياح
قاتل الله الثانويه..ياحاشيه..احملونى سريعا سريعا..وودونى دوره الميه
و ان شاء الله التوبيك يوريكم جمال الثانويه
هههههههههه
يلا سلام عليكم و رحمه الله و بركاته
الأربعاء 9 سبتمبر - 16:50